Me 15 Shtator 2022, ora 18 fillon punën” Shkolla e Shahut Dardania”. Orari mësimor është 4 ditë në javë, nga e Hëna në të Enjten nga ora 18:00 deri 20:00 me trajner të certifikuar nga FIDE. Orët mësimore zhvillohen në ‘Salla e Federatës së Shahut të Kosovës’ – Pallati i Rinisë dhe Sporteve, Prishtinë. REGJISTROHU! Për tu regjistruar apo më shumë informacion vizito faqen “Shkolla e Shahut Dardania”
Klubi i Shahut ” DARDANIA” e përfaqëson Republikën e Kosovës në garen më prestigjioze për klube në Kampionatin ekipor Evropian i cili do të mbahet nga data 02.10-10.10.2022, në qytetin turistik Mayrhofen të Austrisë. KSH”Dardania” do të garoj përkrah klubeve më të mira të Evropës të cilat do ti perfaqësojnë shtetet e tyre në këtë kampionat. Përndryshe kjo garë e klubeve të shahut konsiderohet ekuivalente me Champions Ligue në futboll sepse në të marin pjesë shahistët më të mirë të botës.
Pas pesë ditë garash, 21-26 maj të zhvilluara në ambientet e Capital-Gate ka përfunduar
Kampionatit ekipor të Super Ligës së Kosovës në shah. Garë kjo e organizuar nga Federata e Shahut e Kosovës. Në këtë kampionat morën pjesë 6 ekipe nga të cilat pati lojëra cilësore dhe korrekte. Ashtu si edhe në kampionatin e shkuar edhe në këtë kampionat kampioni u përcaktua në xhironë e fundit. Për këtë titull u përballën dy ekipet e kryeqytetit, Dardania dhe Drejtësia.Takimi Dardania-Drejtësia përfundoi me rezultat të barabartë 3:3. Kështu Dardania me 4 fitore dhe një barazim me 9 pikë të tubuara për herë të parë fitoi titullin e kampionit të Kosovës për vitin 2022. Kampioni i vjetëm Drejtësia me 3 fitore dhe dy barazime me 8 pikë është nën kampione. Prishtina shënoi fitore kundër Hyzri Tallës 3,5:2,5. Me këtë fitore ata u renditën në pozitën e tretë me 5 pikë, kurse Prizreni mposhti Drenicës me rezultat të thellë 5:1.
Formacioni bazë i Dardanisë që fitoi titullin e kampionit:
GM Marin Bosiocic
FM Përparim Makolli
FM Endrit Uruçi
Korab Saraçi
Sami Salihu
Alban Krasniqi
Pjesë e ekipit ishin edhe:
FM Gani Hamiti
CM Armend Budima
FM Ardian Jashari. Ajet Mahmuti, Driton Gashi,
dhe Ibrahim Asllani
Renditja përfundimtare:
1. Dardania 9
2. Drejtësia 8
3.Prishtina 5
4.Hyzri Talla 4
5.Prizreni 4
6. Drenica 0
Drejtësia mbetet ekipi më i suksesshëm me 9 tituj kampioni të Kosovës.
Takimet i drejtuan gjqtarët: Burhan Misini/kryesor/, Fatmir Gërguri, Albert Zenuni dhe Fadil Pireva.
Kupën kapitenit të Dardanisë, Endrit Uruçi ia dorëzoi Armend Budima, kryetar i Federatës së Shahut të Kosovës.
Nga Super Liga e Kosovës, largohen Deçani dhe Istogu të cilat nuk morën pjesë në garat e këtij kampionati.
Dy anëtarët e rinj të Super Ligës do të dihet pas garave që që do të zhvillohen në Prishtinë nga 4 deri më 8 qershor.
Kampioni i Kosovës, Dardania ka fituar të drejtën të jetë pjesëmarrës në Kupën e Evropës që do të mbahet nga 2 deri më 10 tetor 2022 në Mayrhofen të Austrisë.
